|
 Nú í vor sækir Snælandsskóli enn á ný um Grænfánann hjá Landvernd. Við settum okkur ný markmið fyrir 2010-2012 og bíðum nú eftir fulltrúum frá Landvernd sem koma og skoða skólann. Snælandsskóli var einn af fyrstu skólum á Íslandi til að taka þátt í þessu verkefni og erum ákaflega stolt af því að vera skóli á grænni grein. Öll fyrri markmið skólans eru að sjálfsögðu í fullu gildi enn. Þessi markmið voru sett árið 2010:
Markmið Grænfána 2010 - 2012
- Að nýta nýju útinámsaðstöðuna skipulega í kennslu allra árganga og sérgreina.
- Að kenna nemendum hugtakið sjálfbær þróun, hvað það þýðir og hverju það skiptir fyrir heiminn.
- Að kynna nemendum á miðstigi og í unglingadeild sérstaklega loftlagsbreytingar.
- Að hefja samvinnu við leikskóla hverfisins sem eru einnig á grænni grein.
- Að auka nemendalýðræði og kynna enn frekar lýðræðisleg vinnubrögð.
Margt hefur verið brallað úti í Asparlundi. Útinám í flestum greinum, auk bekkjarfunda um umhverfismál.
Að skilja hugtakið sjálfbær þróun þykir mörgum erfitt en við höfum unnið margvísleg verkefni sem auka skilning nemenda okkar á þessu hugtaki. Nauðsynlegt er þó að halda þeirri vinnu áfram, og sömuleiðis fræðslunni um loftslagsbreytingar.
Umhverfisráð Snælandsskóla og umhverfisráð Furugrundar héldu fund í Asparlundi og samvinnan leiddi t.d. af sér að nemendur í Snælandsskóla æfðu sig fyrir Stóru upplestrarkeppnina með því að lesa fyrir leikskólabörnin.
Til að auka nemendalýðræðið fundaði Hanna Hjartardóttur fyrrverandi skólastjóri með öllum nemendum skólans og nemendur eru virkir þátttakendur í flestum ráðum skólans.
Búið er að senda Landvernd skýrslu um hvernig markmiðunum var náð og næsta skref er að setja okkur ný markmið. Vonandi fáum við nýjan fána til að flagga og þá verður hátíð í bæ!
Valgerður K. Sigurðardóttir verkefnisstjóri Grænfána. |
