Nemendur á unglingastigi í Snælandsskóla unnu við spennandi þverfagleg verkefni í þemaviku sem lauk fyrir skömmu. Verkefni vikunnar voru hönnuð til að samþætta fjölbreyttar námsgreinar, þar á meðal samfélagsfræði, náttúrufræði, stærðfræði, íslensku, ensku, dönsku og upplýsingatækni. Verkefni nemenda byggðust á því að vinna að viðfangsefnum á markvissan og skapandi hátt. Nemendur völdu á milli ólíkra þema, svo sem Geimlagið, Kaupmannahöfn, Frú Vigdís, Heimsreisan okkar, Konungsfjölskyldur, Eyjan okkar, Flatjörðungar, Tímalína, Þróun, Náttúruhamfarir, Jöklarnir, Súffragetturnar og Ofurskálin. Til að tryggja gæði verkefnanna voru nemendur hvattir til að leggja vinnuna reglulega fyrir kennara, ræða stöðuna og fá leiðsögn um næstu skref. Slík samráð auka gæði og halda verkefnunum á réttri braut. Mikil áhersla var lögð á skipulag og skráði hver hópur dagbók um framvinduna. Nemendur létu sköpunargleðina skína í gegnum verkefni sín og afraksturinn var afar glæsilegur.
