Stjórnendur skulu af fremsta megni stuðla að starfsöryggi og andlegri sem líkamlegri heilsu og vellíðan starfsmanna og nemenda skólans.
Þeim markmiðum má ná með því að:
- Vinnuumhverfi sé bjart og hita- og rakastig sé eðlilegt.
- Hávaða- og loftmengun sé í lágmarki.
- Öryggis- og hlífðarbúnaður sé til staðar og notaður þar sem við á.
- Vinnuaðstaða og rými, þ.m.t. stólar og borð, séu við hæfi starfsmanna og nemenda.
- Öll samskipti milli starfsmanna og nemenda skólans skulu miða að því að auka andlega vellíðan og félagslega hæfni einstaklinga skólasamfélagsins.
- Við skólann starfar öryggisnefnd sem vinnur að áhættumati og úrbótum varðandi öryggi, hollustuhætti og aðbúnað á vinnustaðnum og lóð hans. Starfsmenn skólans skulu koma ábendingum um vinnuverndarmál til öryggisnefndar.
- Stjórnendur skólans bera ábyrgð á framkvæmd einstakra efnisþátta. Komi upp ágreiningur skal vísa honum til Vinnueftirlits ríkisins.
Reglulegar athuganir
Reglulega er gerð úttekt á skólalóðinni og skólanum varðandi slysahættu. Allt sem keypt er þarf að fylgja slysavarnarstöðlum bæjarins.
Birgða- og sorphreinsibílar hafa einungis leyfi til þess að ferma og afferma á tímum þegar nemendur eru ekki við leik á skólalóðinni. Reglulega eru foreldrar, nemendur og starfsfólk skóla minnt á að aka gætilega nálægt skólanum.
Vinnueftirlit ríkisins kemur reglulega og gerir úttekt á tækjum og búnaði skólans.
Skyndihjálpar- og vinnuverndarnámskeið fyrir starfsfólk eru haldin árlega.
Kiwanisfélagar gefa nemendum 1. bekkjar hjólahjálma og hjúkrunarfræðingar ræða við þau um mikilvægi á notkun hjálmsins.
Slökkviliðið heimsækir 3. bekk árlega í desembermánuði og kynnir brunavarnir.